Armand Basi

Armand Basi – 1948-ci ildə, Armand və Xose Basi qardaşları tərəfindən əsası qoyulmuşdur. Brendin əsası,  Barselonada trikotaj məmulatlarını istehsal edən ilk tikiş emalatxanasının açılışından başlayır. Qardaşlar ilk iş günündən etibarən, Şotlandiyadan gətirilən yüksək keyfiyyətli iplikdən istifadə edirdilər. Müştərilərə məsuliyyətli yanaşma və hörmət sayəsində Basi qardaşlarının kiçik mağazası ispan alıcılarının diqqətini çəkir. Alıcılar arasında popularlıq qazanması, markanın inkişafına təkan verir. Tezliklə, Armand pərəstiş etdiyi “Barsafootball Team” futbol komandası üçün forma hazırlayır. Daha sonra qardaşlar geniş alıcı kütləsi üçün nəzərdə tutulmuş, modelyerlərin kütləvi istehsala göndərdiyi “pret-a-porte” modellərin geyimlərinin istehsalında özlərini sınayırlar.

Yaradılmasından 15 il sonra Basi qardaşları öz ölkələrində Armand Basi brend geyimlərinin istehsalına və satılmasına rəsmi icazə alırlar. Armand və Xose brend modellərinin tikilişindən ilhamlanaraq öz istehsalını genişləndirirlər. 90-cı illərin əvvəllərində Armand Basi brendi bütün dünyada tanınmağa başlayır. Avropada, ABŞ-da və Asiyada brend mağazalar açılır, 1997-ci ildə isə Barselonanın ən nüfuzlu ticarət mərkəzində “ Passeig de Gracia” brend butikinin təntənəli açılışı baş tutur.  1999-cu ildə ilk Armand Basi parfüm kompozisiyası təqdim edilir.

Bu gün brend təkcə ətriyyat deyil, həm də qadınlar və kişilər üçün nəzərdə tutulan geyim istehsal edir. Şirkətin istehsal çeşidində müxtəlif aksessuarlar geniş şəkildə təqdim olunur, onların arasında günəşdən qoruyan eynəklər, zərgərlik məmulatları və hətta ev tekstili var. Armand Basi ətirləri ən həssas ətirlərdən sayılır.